முதன்மை உள்ளடக்கத்திற்குச் செல்

புலர்

வானில் நட்சத்திரங்களற்ற ஒரு இரவுப்பயணத்தில்
கடுங்குளிரில்லை...

அதனால் அருகிலிருந்த ஜன்னலை
மூடத் தேவையிருக்கவில்லை...

ஏனோ...
இது வழக்கமான பயணமாகவும் இருக்கவில்லை...

மேகங்கள் ஒளிர்ந்த அந்தக் கணத்தில் மனத்திரையில் பரவியதோ,
உறைந்துபோன நினைவுகளின் படிமங்கள்...

மகிழ்வான தருணங்கள் கூட நினைவுகளில் மென்சோகம் ஆகிவிடுவது ஏனோ தெரிவதில்லை...

எங்கிருந்தோ திரண்ட மழை மேகங்களின் துளிகளால், படிமங்கள் உருப்பெற, ஜன்னலை அடைத்தாகிவிட்டது...

நிகழ்காலத்தில் உறுதிசெய்யப்படாத என் இருப்பில்,
பரபரப்பாக நடந்து கொண்டிருக்கிறேன் இரு மருங்கிலும் மரங்கள் அடர்ந்த அந்த சாலையில்...

எதிர்வரும் நீ எனை நோக்கினால் சிரிப்பாய்...வேண்டாம்...
எதையோ கவனிக்க திரும்பியபடி நீ,
உன்னை மட்டுமே கவனித்தபடி நான்,

பெருங்காற்று ஒன்று அங்கே வீச,
வாரிய உன் கேசங்கள் கலைந்த கணத்திலேயே காலமும் உறைந்திருக்கலாம்...

பிரிவுகளில் கூட காலைப் பொழுதுகள் அழகானவை தான்...
நினைவுகளால் அடைபட்ட ஜன்னலை திறக்க,
தூரத்து மரங்களின் அடர்பச்சைக்கு மேல் விடிந்திருந்தது வானம்...


கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

எடப்பாடி பழனிச்சாமியும் இரசகுல்லா கடைக்காரரும்

இரண்டு வருடங்களுக்கு முன் 2017இல் ஒரு கல்லூரியில் நேர்காணலுக்காக கொல்கத்தா வரை செல்ல நேர்ந்தது. வங்க மொழி(பங்ளா) தெரியாது, இந்தியும் தெரியாது, தெரிந்ததெல்லாம் தமிழ் மற்றும் இந்திய ஆங்கிலம் மட்டுமே. ஒரு வாரம் அங்கு தங்க வேண்டிய சூழல், ஆனால் அந்த ஒரு வாரத்தில் ஒரு முறை கூட பங்ளாவோ, இந்தியோ தெரியாத குறையை கொல்கத்தா எனக்கு சிரமமாக முன்னிறுத்தவில்லை. டேக்சியில் பேரம் பேசுவது தொடங்கி, பேருந்துகளில், டீ கடைகளில், உணவகங்களில், நான் நேர்காணலுக்கு சென்ற கல்வி நிறுவனத்தில், சுற்றிப் பார்க்க சென்ற இடங்களில் என எங்குமே எனக்கு பங்ளாவோ, இந்தியோ தேவைப்படவில்லை. வங்க மக்கள் என் மொழியின் காரணமாக எனக்கு எந்த குறையையும் வைக்கவில்லை என்றுதான் சொல்லவேண்டும். இத்தனைக்கும் அவர்கள் நான் வங்க மொழி பேசுபவன் அல்ல என்பதை உணர்ந்ததும் என்னுடன் அதிகமாக உரையாட விரும்பினர் என்றே எனக்கு தோன்றியது. உதாரணமாக நான்கு நாள் நேர்காணலில் ஒரு நாள் நான் தங்கியிருந்த அறைக்கு திரும்புகையில் கொல்கத்தா மாநகரப் பேருந்தில் ஒரு கன்டக்டர், மாநில பேருந்துகளில் அந்தந்த மாநிலத்தை சேர்ந்தவர்களைதான் பணியமர்த்துவார்கள், அவர் ஒரு வங்காளி. அவ...
கருத்துரையிடுக
மேலும் படிக்கவும்

அரசியல் பிழைத்தோர் - 2

மதவாதத்திற்கு முடிவுகட்டுவோம்... 6 மாதங்களுக்கு முன்பாக காரைக்குடி அழகப்பா பல்கலைக்கழகத்தின் தமிழ்த் துறையிலிருந்து அதன் உறுப்புக் கல்லூரிகளுக்கு(Affiliated Colleges) ஒரு சுற்றறிக்கை அனுப்பப்பட்டது. அதில் அறிஞர் அண்ணா எழுதிய 'நீதிதேவன் மயக்கம்' எனும் நாடகம்  பாடத்திட்டத்தில் இருந்து நீக்கப்படுவதாகவும் அதற்கு பதில் அரு.இராமநாதன் அவர்கள் எழுதிய 'இராஜ இராஜ சோழன்' எனும் நாடகம் இணைக்கப்படுவதாக இருந்தது அந்த சுற்றறிக்கை. இதற்கு கடும் கண்டனம் எழுந்த நிலையில் மாவட்ட ஆட்சியருக்கு இது தொடர்பாக கடிதம் அனுப்பப்பட்டது. ஆட்சியர் பல்கலைக்கழகத்தின் துணைவேந்தரை தொடர்புகொண்டு விளக்கம் கேட்டபோது அந்த துறைத் தலைவர் தன்னை கேட்காமல் இந்த சுற்றறிக்கையை அனுப்பிவிட்டதாகவும் தான் அதை திரும்பப்பெறுவதாகவும் அண்ணாவின் 'நீதிதேவன் மயக்கம்' எனும் நாடகமே பாடத்திட்டத்தில் தொடரும் என்று கூறியிருக்கிறார். மேலும் ஆட்சியர், பாடத்திட்டத்தில் மாற்றம் என்பது அகாடமி கவுன்சிலின் அனுமதி பெறாமல் நடந்திருப்பதற்கு துணை வேந்தரிடம் விளக்கம் கேட்டு நோட்டீஸ் அனுப்பியிருந்தார். நாட்ட...
கருத்துரையிடுக
மேலும் படிக்கவும்

புறநகர்

அவனுக்கு தெரியாத ஊரில் எனக்கு புரியாத மொழியில் வழி கேட்டான் ஒருவன் என்னிடம் நகரம் பார்த்துக்கொண்டிருந்தது… எனக்கே தெரியாத அந்த ஊரில் அவனுக்கு புரியாத மொழியில் ‘தெரியாது’ என்று சொன்னேன் நான் நகரம் பார்த்துக்கொண்டிருந்தது… எங்கள் அருகில் நகரின் பூர்வகுடி ஒருவன் எட்டு ரூபாய் பேருந்துக்காக காத்திருந்தான் நகரம் பார்த்துக்கொண்டிருந்தது…
கருத்துரையிடுக
மேலும் படிக்கவும்